Maiatzaren 9an, Santurtziko Kresala aretoan, San Jose De Calasanz ikastetxeak antolatutako Ekonomia Zirkular gaiaren inguruko jardunaldiak ospatu ziren. Bertan, DBHko 4. mailako Plastika arloko irakasleak une honetan lantzen ari diren proiektua azaldu zuen.

Ikasleen esanetan, “Proiektuan ingurumenari buruz dugun iritzia adieraztea erabaki dugu. Ozeanoetan plastikoek eragiten dituzten kalteak salatu nahi ditugu, eta horretarako plastikoekin irudiak egingo ditugu. Gure ingurune hurbilean eragiteko, apirilaren 3an Arrigunagako hondartzara joan ginen plastikoak biltzera, 3. eta 4. mailako eko-ordezkariekin batera. Ekimen honek bi helburu nagusi izan ditu; alde batetik, hondartzan garbiketa egitea; eta bestetik, plastikoak biltzea gure lanak egiteko.”

Proiektuaren zehaztasun guztiak Plastikako webgunean dituzue ikusgai: plastika4 taldearen IRITZI PROIEKTUA