AEFAMEK  (Asociacion de Empresas Familiares de Euskadi) antolatutako “Familia-enpresa Ikasgeletan” programa ekintzailetzailearen barne, Gizarte Zientzietako Ekonomia ikasgaiko Batxiler 1eko ikasleek Mungiako Arteche bisitatu dute.

Programa honek, Euskadiko hiru lurraldeetako familia-enpresa liderrak biltzen ditu bere jarduera-sektore guztietan.  Irteeran, ikasleek elkarteko enpresaburu familiarren hitzaldia entzuteko aukera izan dute: Alex Arteche, enpresako zuzendaria eta Ikastolako guraso izandakoa; Gaizka Zulaika, Aefameko zuzendaria; eta Sonia Garai, giza-baliabideen arloko zuzendaria eta Lauroko gurasoa. Ondoren, enpresa ezagutzeko bisita gidatua izan dute.

Honela bada, beren adibidearekin, gure gazteak enpresaburu izateak zer esan nahi duen zuzenean ezagutu ahal izan dute, honek transmititzen dituen balioak, eta, azkenean, bizi garen gizartearen aurrerabideari laguntzen dioten enpresen nondik-norakoak ere.

Eskerrik asko arreta egin diguten pertsona guztiei.