Bigarren hiruhilekoan zehar, Haur Hezkuntzako 4 urteko ikasleak Herria eta Hiria proiektua lantzen ibili dira. Loiu eta inguruko herriak aztertu ostean, Bilbo hiria sakonago ezagutzera animatu dira, bertako eraikin, kale eta pertsonaia esanguratsuenekin batera Bizkaiko hiriburuan bete-betean murgilduz.

Proiektu honen bidez, zehar-konpetentzia desberdinak landu dira: komunikaziorako konpetentzia, ahozko hizkuntza erabiliz ideiak eta ikasitakoa adierazteko; ikasten eta pentsatzen ikasteko konpetentzia, behaketa eta jakin-mina sustatuz; elkarbizitzarako konpetentzia, lankidetza eta errespetua garatuz; ekimen eta espiritu ekintzailerako konpetentzia, parte-hartze aktiboa bultzatuz; eta konpetentzia digitalaren hastapenak, irudi eta material bisualen bidez informazioa eskuratuz.

Era honetan, ikasleek ingurune hurbila ezagutzeko, hirien ezaugarriak ulertzeko eta modu esanguratsuan ikasteko aukera izan dute.