Ikastola mugikorrik gabeko guztiontzako arnasgunea izateko konpromisoa azpimarratuz hasi dugu ikasturtea.

Joan den ikasturtearen amaieran eta egun hauetan egiten ari garen aurkezpenetan azaldu dugun bezala, gailu mugikorren ikasleen erabilera berrikusi eta eguneratu ondoren, berriro diogu debekatuta dagoela Haur Hezkuntzatik DBHra telefono mugikorrak, kablerik gabeko entzungailuak edo smart watch-ak ekartzea.

Ikastolako eraikinak eta espazioak seinaleztatu ditugu, baita autobusak ere, mugikorrik gabeko arnasgunea garela gogorarazteko kartelekin, eta zuek, Ikastolako gurasook, egoera hori ikastetxera etortzen zaretenean balia dezazuen gonbidatu nahi zaituztegu. Guztion esku dago txikienei mugikorraren erabilerari buruzko ohitura onak eta osasuntsuak helaraztea: sustatu dezagun aurrez aurreko harremana, goza dezagun konpainiaz eta gauden ingurune pribilegiatuaz.

Zure betebehar pertsonalek horretarako aukera ematen badizute:

• Jarri mugikorra “Hegazkin modua”n.
• Desaktibatu jakinarazpenak.
• Gorde edo utzi autoan.

Eskerrik asko zuen laguntzagatik!